وقال وقال الشاعر الأخر متغزلاَ بحبيبيه ويشبهها بالبكرة التي حازت على اعجاب الجميع وتفوقت على غيرها من الأبل فانشد يقول .

لي وليــف حــاز زيــن البيـــض كـــه

زايــدٍ زينــه علــى الخفـــرات بايـــن

بالجمـــال وبالوصــــايف مســــتقلــه

كنــها بكـــــرة قعيّـــــد بالمــزايــن

يــوم جــات العــرض مع دقـــه وجلـــــه

راحــت البــل قدمها كــرتــون فـــايــن

جعــل حٍـــــظٍ ما ملكـــها بكــــرةٍ لــه

ما يــديــن مع الرجــــال ولا يــدايـــن

مــن كــل قلــب مخلــص بالتحــــايا

مبــروك للي فـــاز بمـــزاين الـــذود

راع الوفــى راع اليــدين الصخــــايا

فــوزه مثبـــت في براهيـــن وشــــهود

فــاز بمغـــاتير عليـــها الحكـــــايا

وســـود حمــــاها الله من كـــل مقـــرود

مـاهــو مجمعهــــن لقــــاط وشـــــرايا

ولا لقطـــوهــن بيــن فاطــــر ومفــــرود

ولاهي غريبــــه مـــن عديـــم الســـجايا

اتـــلاد ذيــــدانه على عــــاد وثمــــود

زادت على ذيـــدان كـــل النحـــــايـــا

من الـــرها تطلــب علــى غيــــرها الزود

من خلقتـــي ماشـــــفت الهــــن تهــــايا

وفيهـــن ولا يلقـــى من العيــب منقـــود

يلقى بـــها العاشـــق جميـــع المــــزايا

شــط القبـــايل بين طــــارد ومطــــرود

يــوم الثميـــدي والســـيوف الحنـــايا

ولا ثــوّع الدخـــان مــن كــل بــارود

لا لــوحــو من فوق ســــرد الســــبايا

كــم طــامع بنحـــورهم طـــاح مفقـــود

واليــوم لو جـــابت كبــــار الهـــدايا

ينقص منافســها وهــي دايـــم تــــزود

ولاقــيل مـن هي لـــه مـــلاح الحــــلايا

قلنا لــراع الطيب والكـــار والجــــود

ابو فهـــد مـــروي العطــــاش الظمــــايا

نصــر الضعيــف اللي من الوقـــت مضهــــود

مــن روس قـــوم بالمـــــلاقى دهـــــايــا

ربــع حمـــوا يوم اللقــــاء شــــمخ القــود

ســـتر البنـــات المتــــرفــات الصبـــايا

قــول علــى فعـــل مثبـــت ومشـــــهود

مطيــــر ربعي محتميـــــن التــــلايــا

هم عــزوتي ربعي على الليـــن والكـــود